Capiya construyida en 1599 por orde del arcipreste de Llanes Pedro Sánchez Llanes, nun sitiu onde al paecer yá existía una capiya anterior. Col tiempu convirtióse nun llugar de muncha veneración, n’especial pola talla del Cristu de la Cruz que conserva dientro, del que se celebra la fiesta cada 16 de xunetu con una romería popular.

La capiya ye un edificiu construyíu con piedra de cantería y mampostería, de planta rectangular con un pórticu d’entrada grande, tres del que ta la nave de cultu, que da pasu, detrás d’un arcu de mediu puntu, a la cabecera de planta cuadrada presidida pola imaxe del Cristu crucificáu. Cunta con sacristía apegada a la cabecera y con coru na parte d’arriba de la nave. Al llau de la capiya ta l’edificiu de la casa del ermitañu.