Casa de los Leones o Villa Flora

Construcción de 1909 promovida pol indianu Manuel García García, que fixo fortuna en México gracies a los negocios testiles. La casa garra’l nome de la muyer, Flor Valladie.

Ye un edificiu de planta rectangular que ta dientro de una finca arrodiada por murín de piedra y rexería. La fachada principal, que va en paralelo al Camín de Santiago, cunta con una escalinata d’accesu a la entrada, con dos lleones de piedra, ún a cada llau, embaxo d’un pórticu sofitáu por columnes de fierro que val de terraza al primer pisu. Nel pisu d’arriba hai una riestra de ventanes con teyadinos, mentanto la exa central d’esta fachada ta rematáu por un sobráu con techu de bufarda. Esta fachada ye d’una riqueza decorativa bien llamativa, d’influencia modernista, con paneles esgrafiaos con decoración vexetal.

Compartir

Share on facebook
Share on twitter
Share on linkedin
Share on pinterest
Share on email
Scroll to Top