Casa de Los Romano, antigua Casarota

Casa con orixe nel sieglu XVIII, vinculada socesivamente a les families Valdés y Romano, conocida nel so día como Casarota. La construcción remocicóse nel sieglu XIX, configurándose como un edificiu afayáu a un solar típicamente medieval, con una fachada estrecha pa la cai Manuel Cue y de desarrollu llargu en profundidá. Tien un pisu baxu y trés encima, amás d’un añedíu nel sobráu. Destaca la so construcción a base de cantería llabrao nos recercos de ventanes y puertes. Tien miradores de madera y balcones alliniaos cola fachada y con barroteres de madera y abondos elementos decorativos.

Compartir

Share on facebook
Share on twitter
Share on linkedin
Share on pinterest
Share on email
Scroll to Top