Casinu de Llanes

Edificiu construíu en 1910 con proyectu del arquitectu Juan Álvarez Mendoza. Llevántase nel solar que primero ocupó’l mercáu cubiertu, nuna zona que quedara lliberada nel sieglu XIX por cuenta del derribu de les muralles vieyes.

Promoviólu la Sociedad Casino de Llanes, na que participaba bona parte de l’alta sociedá llanisca, en bona midida integrada por indianos arriquecíos n’América.

L’edificiu constrúyese nun estilu modernista, onde rescampla la riqueza decorativa de la fachada, conformada por un cuerpu central de dos pisos y dos torres a los llaos, con trés pisos. Nesta fachada abonden los elementos decorativos: alternen balcones, adornos vexetales abondos y mazcarones femeninos. Progresivamente abandonáu, a lo último pasó a manes del conceyu y anguaño acueye un centru cultural.

Compartir

Share on facebook
Share on twitter
Share on linkedin
Share on pinterest
Share on email
Scroll to Top