Cementeriu promovíu pol indianu Manuel Ibáñez Posada en 1885. Esti campusantu, de planta rectangular llendada por un muriu de piedra, cunta con una capiya monumental que marca la exa de simetría del espaciu, y con mausoleos de munchu porte y riqueza arquitectónica pertenecientes a les grandes families del Colombres d’últimos del XIX y primeros del XX , lo qu’en conxuntu ye quién a crear ún de los espacios d’enterramientu más interesantes, tocante al patrimoniu, d’Asturies.