Edificiu de 1932, bon exemplu del Movimientu Modernu asturianu. Promoviólu l’indianu Francisco Marcos Purón, que fixo fortuna en Puerto Rico, na ciudá de Borinquen, d’ehí el nome del edificiu. En cuenta de promover el típicu palacete construyó un edificiu de pisos modernu, pa facer frente a la falta de vivienda que presentaba’l Llanes d’esti momentu. El proyectu ye del arquitectu José Ortiz García.

Ta consideráu como l’edificiu más racionalista de tolos que promovieron los indianos n’Asturies. Destaca pola horizontalidá, contención decorativa, funcionalidá estrema y l’usu de materiales novedosos pa la dómina como’l forxáu con llosa de formigón o la cubierta de fibrocementu. La fachada ta desornamentada dafechu.