Edificiu construyíu en 1930, promovíu por José Suárez-Guanes y de la Borbolla, conde de Valle Pendueles, pa dar serviciu a los neños de les localidaes de Vidiago, Riegu y Puertas, y que se donó al Conceyu de Llanes. Ye un edificiu que respuende al modelu d’escuela unitaria de neñes y neños, con dos viviendas y planta n’U, con un patiu atrás que llenda col Camín de Santiago. Tien un aulariu na nave central y dos ales llaterales p’agospedamientu de los profesores. La fachada principal, nel llau contrariu a la ruta xacobea, cunta con un diseñu a manera d’arquería corrida de mediu puntu. En metá d’ésta hai una placa alusiva a la fundación del centru. En caún de los estremos hai una puerta rematada con frontón triangular que da accesu a les viviendes.