L’autor del diseñu foi l’arquitectu cántabru Ignacio de Cagigal, responsable tamién d’obres na catedral d’Uviéu como la capiya de Santa Bárbara. Esti edificiu naz como monesteriu d’Agustines Recoletes hacia 1666. Depués, cuando la invasión francesa de primeros del XIX, ocupáronlu les tropes, pasando tres de la desamortización a acoyer el Colexu de la Encarnación, centru d’enseñanza secundaria. Na actualidá la parte que queda del antiguu monesteriu y colexu acueye un hotel. Caltiénse la fachada de la portería y la d’accesu al templu. La capiya agora ye’l comedor del hotel.