Ídolu de Peñatú

Asitiáu sobre la Sierra de Cuera sur, enclave allugáu sobre un sector de la costa llanisca bien ampliu orientáu al norte. Enclave destacáu, quiciás una tumba d’una personalidá relevante d’hai 4000 años aproximao (tránsitu de la Edá del Cobre a la Edá del Bronce). Nél alcontramos manifestaciones artístiques, toes elles pintaes en colorao. Mide alredor de 1.10 metros d’altu y trátase d’una representación mui xeometrizada d’un ser antropomorfu, quiciabes un xefe o un guerreru, pue ser qu’arriquecíu pol control y el comerciu de determinados recursos económicos como cobre, sal, cereales… Amás, hai representaciones mui esquemátiques que representen seres humanos y concentraciones de puntos y delles figurines más. Lo más destacable ye la gran figura antropomorfa, que s’alcuentra na parte derecha, onde apaez el mentáu ídolu col arma. Foi descubiertu en 1914 y declaráu Monumento Nacional (güei Bien d’Interés Cultural) diez años depués.

Compartir

Ir arriba