Ilesia construyida ente 1794 y 1797, d’estilu neoclásicu. Cunta con nave única, a la que s’amiesten delles capiyes llaterales. Cruceru destacáu n’altura y cabecera poligonal. Tien una torre campanariu de gran altura, apegada a la cabecera, con cubierta cónica.

A la vera de la ilesia ta’l cementeriu parroquial, conformando un conxuntu mui guapu y harmónicu, una de les imáxenes icóniques d’Asturies pola cercanía al mar.

Ye una de les primeres ilesies promovíes por indianos. Nesti casu l’impulsor foi Anselmo Martínez Carrera y Pedro Cue, vecinos de Niembru arriquecíos en México y Perú respectivamente. El proyectu de la ilesia ye de Silvestre Pérez y Martínez.