Ilesia de San Acisclo

Ilesia fundada en 1038, oxetu d’abondes reformes a lo llargo de los tiempos. Los restos más vieyos que se caltienen son del sieglu XIV, y correspuéndense cola portada del llau sur del edificiu, conformada por un arcu apuntáu, con cuatro arquivoltes sobre capiteles imposta, d’estilu de transición ente’l románicu y el góticu. La nave, las capiyes, la torre y el coru son del sieglu XVIII, mentanto que la sacristía construyóse nel sieglu XIX. Conserva delles inscripciones relatives a dellos momentos constructivos, casu de la fecha’l reló de sol en 1814 o la que na capiya data la obra de la construcción en 1776, datando otra placa la sacristía en 1814. Combínense nel edificiu los estilos románicu tardíu y barrocu popular.

Compartir

Share on facebook
Share on twitter
Share on linkedin
Share on pinterest
Share on email
Scroll to Top