Ilesia de San Pedro de Pría

Ilesia de grandes dimensiones, con planta basilical y una nave sola, con cruceru destacáu n’altura. Tien dos capiyes llaterales adosaes a la nave, y un pórticu al sur, nel qu’hai una portada de mediu puntu d’época moderna. A los pies de la ilesia tien una torre campanariu, con un reló y con remate piramidal. Nel pisu baxu de la torre ábrense arcos que dexen pasu a la portada principal del edificiu, de dómina románica, conformada a base d’un arcu de mediu puntu sofitáu en dos pilastres. Otros elementos que perviven de la dómina románica son dellos canes de la cabecera.

Compartir

Ir arriba