Monesteriu fundáu en 1117 polos nobles Alfonso Suárez y la esposa, Cristilda. Cuntó dende 1198 con un hospital de pelegrinos, lo que lu convirtió nun centru destacáu de la ruta xacobea costera nel oriente asturianu. El monesteriu foi ún de los grandes poderes territoriales del conceyu de Llanes, qu’amás incorporó, en 1544, el monesteriu de Beón, otru puntu de referencia fundamental de la ruta xacobea en Llanes.

El monesteriu quedó mui dañáu cuando la guerra de la Independencia, y en 1835 disolvióse cola Desamortización de Mendizábal. A primeros del sieglu XX la Compañía de Xesús adquirió les antigües instalaciones del cenobiu, que s’usó cuando la posguerra civil como cárcel y campu de concentración. Anguaño acueye una comunidá de monxos de la congregación d’Esclaves de Cristu Rei.

Los elementos más vieyos que se conserven del monesteriu son la torre románica y una portada del mesmu estilu, de los sieglos XII y XIII respectivamente. El restu del conxuntu data de los sieglos XVII al XX. La ilesia caltién retablos de dómina barroca interesantes.