Palaciu de Mendoza Cortina o de Santa Engracia

Gran construcción d’estilu historicista, que garra la configuración definitiva a últimos del sieglu XIX (depués de reformase nesa época una construcción primitiva de corte tradicional), anguaño nun estáu de conservación llamentable. Foi propiedá de los condes de Mendoza Cortina (familia d’indianos arriquecíos en México a mediaos del XIX gracies a les sos esplotaciones agrícoles y comerciales) y cuando la guerra civil destinóse a hospital. Ye un edificiu en forma de T, con torres nos estremos y una galería central destacada desarrollada en dellos pisos. El palaciu tien delantre unos xardinos bien curiosos y cuntaba na parte d’atrás con una capiya inaugurada en 1886, too ello dientro d’una propiedá cercada por un muriu de piedra y rexes.

Compartir

Ir arriba