Palaciu de Posada Herrera

Construcción barroca d’últimos del XVII, actual sede de la Casa de Cultura de Llanes. Tamién la conocen como Casa de los Miranda y de los Valdés. Nesti palaciu nació l’importante políticu local José de Posada Herrera.

Ye un edificiu con trés pisos y una torre na esquina con cuatro niveles. Na fachada alternen les ventanes colos balcones y tien nel segundu pisu del cuerpu principal un escudu onde se representen les armes de los Posada, los Pérez de Noreña y los Valdés. Pal norte cunta con otra fachada onde se llevanta otra torre d’igual altura que la primera, dando paso a un cuerpu allargáu de dos niveles que s’empobina a la torre del Castiellu, que llenda col Camín de Santiago.

Compartir

Ir arriba