Palaciu y Capiya de los Posada. El Cercáu

Palaciu con capiya adosada que s’empezó a construyir en 1597 pol obispu salmantín Pedro Junco de Posada, completándose’l conxuntu nos sieglos XVII y XVIII. Declaróse Bien d’Interés Cultural en 1991.

El palaciu tien trés pisos, adosándose na parte superior una torre palombar de sección cuadrada. La capiya presenta un frente de loxes, mui italianizante, organizaes en triple arquería d’arcos de mediu puntu sobre pilares de planta cuadrada, con una espadaña rematando’l costáu esquierdu.

El palaciu asítiase nuna finca arrodiada por un muriu altu de piedra qu’aprovecha parte de la muralla vieya de Llanes. Esti palaciu allúgase sobre la playa d’El Sablón y la ilesia parroquial y domina la zona cimera de Llanes.

Compartir

Ir arriba