| Ponte construyida nos años 1940 asentada sobre cuatro pilares de formigón bien grandes sobre los que s’asienta’l tableru, con unos pretiles de formigón altos per cada llau, que conformen una especie de celosía. Cunta con faroles d’allumáu. La ponte ye d’usu compartíu del tráficu rodao y peatones, con ceres a cada llau del tableru. Nel puntu intermediu hai un finxu que marca la divisoria ente les provincies de Santander y Uviéu, nome oficial cuando se punxo de les provincies actuales de Cantabria y Asturies.
Esta ponte ye heredera d’una ponte antigua de madera qu’hubo nesti puntu dende últimos del XIX hasta la guerra civil, cuando se destruyó. |
Ponte sobre El Ríu Deva
- Etapa 1: Bustio-Llanes, Camín de la Costa
- Bustio, Ente Bustio y Junquera
