Exemplu de población llinial desarrollada alredor de l’actual carretera nacional, a 52 m d’altitú. Ye un llugar estratéxicu, averáu a la capital del conceyu, Llanes, lo que determinó qu’históricamente se punxeren equí equipamientos como la malatería de San Llázaro de Cañamal na Edá Media, fundada nel sieglu XII y en funcionamientu hasta 1770, o dellos establecimientos hosteleros na actualidá. Cunta con una ilesia reformada nel sieglu XIX.