Villa de Los Barquitos o de Juan Noriega

Casa diseñada pol gran arquitectu asturianu Enrique Rodríguez Bustelo en 1923, por encargu de Juan Noriega Sordo, vecín de Cue emigráu a México, onde fixo un dineru qu’a la vuelta permitió-y construyir esta vivienda, a la que’l nome de “Los Barquitos” vien-y de la pensión qu’hubo nella munchu tiempu.

Ye un xalé d’estilu montañés de planta cúbica, compacta, cola escalera nun llau. La fachada principal, construyida ente murios cortafueos de desarrollu ampliu, cunta con un corredor nel pisu d’arriba, allargáu en planta sobre’l zaguán del nivel d’abaxo, de desarrollu mui escasu y al que se llega per una escalera de piedra esterior. Les fachaes llaterales resuélvense de manera más cenciella; nelles hai balcones con rexes de fierro y vanos adintelaos.

La vivienda allúgase nuna posición elevada al respective de la rodiada, dientro d’una finca grande zarrada por un muriu de piedra y rexa de fundición.

Compartir

Share on facebook
Share on twitter
Share on linkedin
Share on pinterest
Share on email
Scroll to Top