L’añu 1666 el Conceyu d’Uviéu sacó a puya pública la construcción de la Casa de Comedies o Teatru del Fontán, edificiu que güei ye la sede de la Biblioteca d’Asturies “Ramón Pérez de Ayala”.

El proyectu encargóse al arquitectu santanderín Ignacio de Cagijal y inauguróse l’añu 1670. Esti ye’l teatru del que nos fala Leopoldo Alas en “La Regenta” y en “Su único hijo”.

Construyíu’l Teatru Campoamor, alcordóse en 1901 valtar la Casa de Comedies y namás se caltién en pie la fachada, adornada con un escudu real nel centru y otru, cola Cruz de los Ánxeles, a la esquierda.

Polo tanto, l’edificiu actual de la biblioteca aprovechó’l solar completu disponible, que tuviere ocupáu na parte trasera pol Cuartel de Bomberos, más el solarín de cases y comercios na esquina de la plaza de Daoíz y Velarde cola cai Quintana.