Palaciu construíu ente los sieglos XVIII y XX, conformáu por dos cuerpos rectangulares que faen una planta en L, con cuatro niveles (el baxu, dos pisos y un áticu namás nel cuerpu d’alantre). La fachada principal (asitiada nel centru de la parte llarga del cuerpu, que ta xusto na carretera pela que pasa’l Camín de Santiago), articúlase con una arcada doble nel pisu d’abaxo. Enriba d’ella dispónense trés ventanes adintelaes con un balcón de fierro delantre, too ello presidío pol escudu correspondiente a les families Suárez, Guanes y Borbolla. Al llau del palaciu, dientro de la finca, asítiase una panera.